ഒരു സൂര്യന്‍
എന്‍റെ പുറകെ
കൂടിയിട്ടുണ്ട്
ഓര്‍മ്മകളെ കൊറിച്ച്
കോലായില്‍ ഇരിക്കുമ്പോള്‍ ,
മേല്‍ക്കൂര തുളച്ചെത്തുന്ന
ആകാശത്തോടൊപ്പം
ഉറങ്ങാന്‍ കിടക്കുമ്പോള്‍ ,
നിറയെ തിരക്കുള്ള
തീവണ്ടിയിലെ
ഒറ്റപ്പെട്ട യാത്രകളില്‍
ഒക്കെ പെട്ടന്ന് ഉദിക്കും
ഓരോ ഇരുട്ടിനെയും
തിരഞ്ഞു പിടിച്ച്
വിചാരണ ചെയ്യും
സാക്ഷികളെ നിരത്തി
വിസ്തരിക്കും
തെളിവുകള്‍ കാട്ടി
ഉത്തരം മുട്ടിക്കും
വാദങ്ങളും
പ്രതിവാദങ്ങളും
കഴിഞ്ഞ്
ശിക്ഷ വിധിക്കും മുന്‍പ്
അസ്തമിക്കും
അതോടെ
കോലായില്‍ തിക്കും തിരക്കും ആകും
ആകാശം, മേഘങ്ങള്‍ക്ക്
പിറകില്‍ പരുങ്ങും
തിരക്കുകളില്‍ അലിഞ്ഞ്
തീവണ്ടി മറയും ...
അനീഷ്‌ പുതുവലില്‍
ആ സുര്യനും അസ്തമിക്കും ..പക്ഷെ നമ്മള്‍ ഇവിടെ ഉണ്ടാകും ...ആശംസകള്‍
ReplyDeleteശിക്ഷ വിധിയ്ക്കുന്നതിന്‍ മുന്‍പ് അസ്തമിക്കുന്ന സൂര്യന്‍
ReplyDeleteവിചാരണ മാത്രമാണതിന്‍ നിയോഗം
കവിതയുടെ സൂര്യൻ ജ്വലിക്കട്ടെ ... അനീഷ്‌ ജി
ReplyDeleteആശംസകൾ
ഈ രചന ഇഷ്ടപ്പെട്ടു കേട്ടോ
ReplyDeleteനന്നായിട്ടുണ്ട്
ഭാവുകങ്ങള്‍